Електродистрибуција ДООЕЛ е компанија чија главна дејност е дистрибуција на електрична енергија во Македонија. Компанијата е дел од EVN групацијата.

Најважна цел за Електродистрибуција е сигурно и квалитетно снабдување на корисниците со електрична енергија.
Од влезот на групацијата EVN во Македонија, во април 2006 година до 2025 година инвестирани се повеќе од 684 милиони евра. Изградени и реконструирани се 210 високонапонски трафостаници, 1 978 дистрибутивни трафостаници на среден напон и 1877 трафостаници на низок напон. Изградена и реконструирана е мрежа во должина од 198 километри на висок напон, 3162 километри на среден напон и 4997километри на низок напон. Дополнително, во истиот период се набавени 2 006 000 броила од коишто 177 700 се далечински. Во контекст на новите приклучоци, изградени се 140 000 нови приклучоци на нашата мрежа од кои 2 963 се нови приклучоци за обновливи извори на енергија, чија вкупна инсталирана моќност достигна 860 MW.
Во интерес на сигурното снабдување со електрична енергија на целата територија на државата распространети се дежурни екипи за отстранување на дефекти, кои дејствуваат брзо и ефективно. Инвестициите и мерките за подобра организација на компанијата дадоа свој резултат и придонесоа кон посигурно снабдување, намалување на загубите и зголемено ниво на задоволство кај корисниците.